Қырғызстан мен Қазақстан шекарасына жақын маңда жер сілкінісі, - деп хабарлайды Аqshamnews.kz тілшісі.
Қырғызстан Ұлттық ғылым академиясының Сейсмология институтының мәліметінше, жер сілкінісі 25 шілдеде Астана уақытымен 02:40-та тіркелген. Жерасты дүмпуінің эпицентрі Қырғызстан аумағында, Жалал-Абад қаласынан солтүстік-батысқа қарай 38 шақырым жерде орналасқан. Зілзаланың магнитудасы 4,3 болды.
Қырғызстанның елді мекендерінде зілзала сезілген:
-
Массы қаласы мен Қара-Бұлақ ауылында – шамамен 4 балл,
-
Кочкор-Ата қаласы мен Гелеген ауылында – 3,5 балл,
-
Майлуу-Суу қаласында – 3 балл.
Айта кетейік, бұған дейін, 24 шілде таңертең Жетісу облысындағы Алакөл көлі маңында да жер сілкінісі тіркелген болатын.