Ақтөбе облысы Құрайлы ауылында 60 жастағы әйел бірге ішімдік ішкен ер адаммен болған жанжал кезінде ер адам қылыш жарақатынан қаза тапқан, деп хабарлайды Aqshamnews.kz тілшісі.
Жергілікті басылым мәліметінше, оқиға күні екі әйел мен бір ер адам бірге спирттік ішімдік ішкен. Біраз уақыттан соң әйелдің бірі бөлмесіне демалуға кеткен. Кейін ер адам қолына қылыш алып, әйелге тиісіп, жанжал туындаған. Қылышқа талас кезінде суық қару ер адамның бел тұсына қадалған.
Әйел жарақаттанған адамның қанын тоқтатуға тырысып, көмек шақырғанымен, ер адам алған жарақатынан көз жұмған. Сот күдіктінің егде жасын, жәбір көргенін және өз өмірі үшін қорғанғанын ескеріп, істі «адам өлтіру» бабынан «абайсызда адам өлтіру» бабына қайта саралаған.
Нәтижесінде әйел шартты түрде екі жылға сотталып, жұмыстан кейін көшеге шығуға және көңіл көтеру орындарына баруға тыйым салынды.