Петропавл полицейлері алаяқтық жасады деген күдікпен «Құлагер» хоккей клубының бұрынғы команда жетекшісі Сергей Фильді ұстады.
Солтүстік Қазақстан облысы Полиция департаментінің мәліметінше, 45 жастағы Астана тұрғыны Қарағанды қаласында қолға түскен, - деп хабарлайды Aqshamnews.kz.
"Ол екі немесе одан да көп адамға қатысты алаяқтық жасады деген күдікке ілінді. Күдікті уақытша ұстау изоляторына қамалды. Қазіргі уақытта қылмыстық іс бойынша сотқа дейінгі тергеу амалдары жүргізіліп жатыр", – деп мәлімдеді СҚО ПД баспасөз қызметі.
Еске салайық, бұған дейін Сергей Филь ресейлік легионерлерден ақша алып, Қазақстан азаматтығын тез рәсімдеп беремін деп уәде бергені үшін іздеуге жарияланған еді. Оның іс-әрекетінен бірнеше спортшы зардап шеккен.