Олар дұрыс еңбек жағдайын жасауды талап еткен.
Ұшқыштар ұжымда қалыптасқан жағдайды "катастрофа" деп бағалап, бас директордың атына хат жазды, деп хабарлайды Almaty-akshamy.kz «Атамекен» арнасына сілтеме жасап.
Ұшқыштардың айтуынша, компанияда ұшу қауіпсіздігіне дұрыс мән берілмейді, ұжымдағы моральдық және психологиялық рух төмен, басшылық мәселелерді шешуге құлықсыз, ал айлық аз.
«Сол басшылықтың сауатсыз шешімдері мен немқұрайлығы салдарынан БҚО-да тікұшақ апаты болды», - дейді хат авторлары.
Олар бірқатар лауазымды тұлғаны жұмыстан шығарып, жалақыны көтеруді, қауіпсіздік шараларын күшейтіп, дұрыс еңбек жағдайын жасауды талап етті.
«Қазавиақұтқару» басшылығы өз кезегінде "ұшқыштардың талаптарын естідік, мүмкіндігінше орындауға тырысамыз" деп уәде берді.