Монета күміс қорытпадан жасалған.
Монета «Қазақстан Республикасы Ұлттық Банкінің Қазақстан теңге сарайында» соғылған, деп хабарлайды Almaty-akshamy.kz
Беларусь Ұлттық банкі «Славянка» инвестициялық күміс монетасын айналымға шығарды. Бұл туралы Беларусь Ұлттық банкінің Ақпарат және қоғаммен байланыс департаменті хабарлады.
«10 қазаннан бастап Беларусь Республикасының Ұлттық банкі номиналы 20 рубль болатын 2023 жылғы «Славянка» күміс құйма (инвестициялық) монетасын айналымға шығарады», - делінген хабарламада.
Монета 999,9 тазалықтағы күміс қорытпасынан жасалған, массасы 31,1 грамм, таралымы 10 мың дана. Монетаның сырт жағында (реверсінде) қолында кішкентай баласы бар жас славян әйелінің портреті, бүйір жағында композицияның рухани құрамдас бөлігін толықтыратын екі жұмақ құсы бейнеленген. Бет жағында (аверсінде) Беларусь мемлекеттік елтаңбасының бедерлі бейнесі салынып, монетаның номиналы жазылған.
Монета «Қазақстан Республикасы Ұлттық Банкінің Қазақстан теңге сарайы» РМК-да соғылған.
Беларусь елінің өзінің теңге сарайы жоқ, сондықтан монеталарын басқа елдерде шығарады.