2025 жылғы 1 қаңтардан бастап Қазақстанның елшіліктері шетелдіктерге жеке сәйкестендіру нөмірлерін (ЖСН) беруді тоқтатады. Бұл шешім «Шетелдіктерге Қазақстанның сыртқы мекемелері арқылы жеке сәйкестендіру нөмірін беру» жобасы мерзімінің аяқталуына байланысты қабылданды, деп хабарлайды aqshamnews.kz
Алғашында жобаны 2025 жылдың соңына дейін ұзарту жоспарланған болатын.
Бұл туралы Қазақстанның Ресейдегі елшілігінің ресми сайтында хабарланды. Хабарламада қосымша ақпараттың елшілік сайтында жарияланатыны айтылған.
Жоба барысында ЖСН 95 елшілікте берілді. Енді шетелдіктерге ЖСН алу үшін тек Қазақстан аумағында тіркелу қажет болады.