Мәжілісте Қазақстанға Моңғолиядан қанша адам қоныс аударғанын айтылды, - деп хабарлайды aqshamnews.kz тілшісі.
Бүгін Мәжілісте «Қазақстан Республикасының Үкіметі мен Моңғолия Үкіметі арасындағы зейнетақы саласындағы ынтымақтастық туралы келісімді ратификациялау туралы» Қазақстан Республикасы Заңының жобасы бойынша қорытындысы оқылды. Онда елге Моңғолиядан көшкен қандастар туралы айтылды.
"Ішкі істер министрлігінің деректеріне сәйкес, қазір Қазақстан аумағында Моңғолиядан тұрақты тұру үшін қоныс аударған шамамен 6600 азамат тұрады. Олардың ішінде 6100-і – тарихи отанына оралған этникалық қандастар. Еңбек және халықты әлеуметтік қорғау министрлігінің ақпараттық жүйелеріндегі мәліметтер бойынша, бүгінгі таңда Қазақстанда, соның ішінде тарихи отанына оралған азаматтарды қоса алғанда, шамамен 1800 адамға зейнетақы төлемдері тағайындалған", - деді еңбек және халықты әлеуметтік қорғау министрінің міндетін атқарушы Виктория Шегай.
Қазақстан мен Моңғолия арасындағы зейнетақы саласындағы ынтымақтастық туралы келісім күшіне енген жағдайда, еңбек өтілін қайта есептеу шамамен 400 азаматты қамтиды.
Сонымен қатар, бұл өзгерістерді іске асыру үшін республикалық бюджеттен қосымша қаражат бөлу талап етілмейтіні атап өтілді.