2025 жылы Қазақстан 77,6 млн АҚШ долларына 10 954 тонна гүл мен гүл бүршігін импорттады. Ұлттық статистика бюросының мәліметінше, елімізге гүлдің басым бөлігі Эквадордан жеткізілген, – деп хабарлайды aqshamnews.kz тілшісі.
Ұлттық статистика бюросы Қазақстанға гүл импорттайтын негізгі елдерді жариялады.
2025 жылы елге жалпы құны 77,6 млн АҚШ долларын құрайтын 10 954 тонна гүл мен гүл бүршігі әкелінген. Бұл көрсеткіш 2024 жылмен салыстырғанда 1,4 мың тоннаға аз.
Импорт бойынша көш бастап тұрған ел — Эквадор. Қазақстанға жеткізілген гүлдердің 41,9 пайызы, яғни 4 586 тоннасы осы мемлекеттен импортталған.
Сондай-ақ гүлдер мына елдерден де жеткізілген:
Қытайдан — 2 678 тонна;
Нидерландтан — 1 702 тонна;
Колумбиядан — 778 тонна;
Кениядан — 739 тонна.
Жалпы, өткен жылы Қазақстанға әлемнің 45 елінен гүл әкелінген. Импорт құрылымында раушан гүлі басым болып, оның көлемі 6 219 тоннаны құраған.
