Қазақстандағы бөлшек депозиттер көлемі 2025 жылдың қыркүйегінде 21,6 трлн теңгеге жетіп, бір жылда 19,9%-ға өсті. Жалпы депозиттер құрылымында халықтың салымдары 66,7%-ды құрады.
Ең маңызды өзгерістің бірі - теңге салымдарының үлесі алғаш рет 82%-ға дейін көтерілуі. Былтыр бұл көрсеткіш 80,4% болса, бес жыл бұрын - 55,4%, ал 10 жыл бұрын небәрі 19,5% болған.
Ұлттық валютадағы салымдар бір жылда 22,4%-ға өсіп, 17,7 трлн теңгеге жетті. Шетел валютасындағы депозиттер де аздап өсіп, 3,9 трлн теңгені құрады (+9,5%).
Қай өңірлерде депозит көп?
- Алматы - 9 трлн теңгеден астам (42%)
- Астана - 2,7 трлн теңге (12,5%)
- Қарағанды облысы - 1,2 трлн теңге
- Шымкент - 897 млрд теңге
- Қостанай облысы - 894,3 млрд теңге
Ең аз салым жинаған өңірлер:
- Ұлытау облысы - 140,5 млрд тг
- Алматы облысы - 202,9 млрд тг
- Жетісу облысы - 240,9 млрд тг
Барлық өңірлерде депозит көлемі артқан. Ең үлкен өсім Алматыда (+1,2 трлн тг) және Астанада (+618,6 млрд тг) тіркелді.
Қай аймақта теңгеге сенім жоғары?
- Түркістан облысы - 97,1% (рекорд)
- Алматы облысы - 94,4%
- Солтүстік Қазақстан - 93,6%
Теңге үлесі 90%-дан асатын аймақтар қатарында: Абай, Ақмола, Жамбыл, Қызылорда, Жетісу, Қостанай, Шығыс Қазақстан және Павлодар облыстары бар.
Ең төмен көрсеткіштер:
- Алматы - 74,2%
- Астана - 79,1%
Жалпы, барлық өңірде ұлттық валютадағы салымның үлесі өскен. Тек Батыс Қазақстан облысында бұл көрсеткіш аздап төмендеді (87,3%-дан 86,4%-ға).