Қазақстандық спортшы Виктор Друзин Канаданың Торонто қаласында өтіп жатқан әртістік жүзуден Әлем кубогының суперфиналында ел қоржынына екінші медаль сыйлады, – деп хабарлайды aqshamnews.kz тілшісі.
Қазақстан Ұлттық олимпиада комитетінің мәліметінше, Виктор Друзин еркін бағдарламада күміс жүлдеге ие болды. Шешуші сын барысында ол 248,5525 ұпай жинап, жарыстың екінші сатысына көтерілді.
Бұл бағдарламада Ұлыбритания өкілі Ранджуо Томблин 255,9600 ұпаймен чемпион атанса, италиялық Филиппо Пелати 246,2639 ұпай жинап, қола медальді еншіледі.
Айта кетейік, бұған дейін Виктор Друзин техникалық бағдарламада қола жүлде жеңіп алған болатын.