Өндірушілердің жаңа нарықты игерудегі мүмкіндігі артты.
Қазақстан Үкіметі отандық өндірушілер халал сертификатын қалай ала алатыны жайында айтты, деп хабарлайды Almaty-akshamy kz.
Мамандардың айтуынша, ол үшін өндірушілер келесі құжаттар жиынтығымен ҚР СИМ ТРМК ҚазСтандартқа ресми түрде өтінім беру қажет:
- Өндірістік-технологиялық құжаттар;
- Өнімді сынау хаттамалары.
«Азия, ЕАЭО және ТМД елдерінің кәсіпкерлері өз өнімдерінің ислам стандарттарына сәйкестігін бағалау үшін ҚазСтандарт алаңын пайдалана алады және осылайша Парсы шығанағы елдерінің нарықтарына қолжеткізе алады»,- делінген Сауда және интеграция министрлігінің хабарламасында.
Қазақстан Республикасы Премьер-Министрінің БАӘ-ге сапары аясында Қазақстан БАӘ халықаралық аккредиттеу орталығынан Халал өнімдерін сертификаттауды жүргізуге «ҚазСтандартты» аккредиттеу туралы ресми құжат алғанын естеріңізге сала кетеміз.