Бұйрық «Ашық» НҚА порталында жарияланды.
Мәдениет және спорт министрінің «Фильмді ұлттық деп тану және ұлттық фильм куәлігін беру ережелерін бекіту туралы» бұйрығына өзгеріс енгізіліледі, деп хабарлайды Almaty-akshamy.kz.
Ұсынылып отырған құжат «кинематографиялық қызмет субъектілері», «өтініш беруші» терминдерімен толыққан.
«Егер фильмде ҚР Ұлттық тарихындағы, қазіргі өміріндегі оқиғалар бейнелейтін болса, жалпыадамзаттық гуманитарлық, әлеуметтік және адамгершілік проблемаларға, еліміз үшін әлеуметтік-мәдени маңызы бар әлемдік тарихтағы оқиғаларға арналған немесе ҚР халықаралық деңгейдегі имиджі мен беделін нығайтуға ықпал етсе, ол кино ұлттық болып танылады», - деп жазылған құжатта.
Айта кетейік, еліміз ратификациялаған халықаралық шарт талаптарына сәйкес, шетелдік кинокомпаниялармен бірлесіп түсірілген фильмдерге де ұлттық мәртебе берілуі мүмкін.
Талқылау 9 желтоқсанға дейін жалғасады.