Елімізде соңғы 5 жылда бала туудың тұрақты өсуі байқалады, жалпы алғанда 7,2%-ға, туған балалар саны 15%-ға артты.
Бұл туралы Денсаулық сақтау министрлігі мәлім етті, деп хабарлайды Almaty-akshamy.kz Elorda.info-ға сілтеме жасап.
Өткен жылы 450 652 бала дүниеге келді, бұл 2020 жылмен салыстырғанда 23 349-ға көп.
Былтыр КВИ ауруының өсуіне байланысты COVID-19-бен сырқат жүкті әйелдер мен бала туу жасындағы әйелдердің саны 2020 жылмен салыстырғанда 2,5 есе өсті. Егер 2020 жылы олардың саны 10,2 мыңға жуық болса, 2021 жылы 26 050-ге жетті.
Реанимация бөлімшелерінде коронавирустық инфекция ауыр өтіп жатқан жүкті әйелдердің саны 2,4 есе көп, ал, өкпенің жалпы зақымдануы бар 61 пациент экстракорпоральды мембраналық оксигенация (ЭКМО) аппаратына қосылған, бұл 2020 жылмен салыстырғанда 4,5 есе көп болды.
Экстракорпоралды мембраналық оксигенация қондырғысы реанимациядағы пациенттің өкпесі мен жүрегінің қызметін қолдауға мүмкіндік береді.