Биылғы жылдың басынан көлік полициясы жолаушылар пойыздарында құқықтық тәртіпті қамтамасыз ету бойынша күшейтілген рейдтер жүргізді. Нәтижесінде тоғыз ай ішінде әкімшілік заңнаманы бұзған 531 адам пойыздан түсірілді, - деп хабарлайды Аqshamnews.kz тілшісі.
Негізгі құқықбұзушылықтар
-
Қоғамдық орындарда алкоголь ішу және мас күйде жүру – 496 дерек;
-
Ұсақ бұзақылық – 15 дерек;
-
Өзге де әкімшілік ережелерді бұзу фактілері тіркелген.
Нақты оқиға
"Алматы – Астана" бағытындағы пойызда Шу станциясында көлік полициясы Жетісу облысының 37 және 42 жастағы екі тұрғынын түсірді. Олар мас күйде болып, айғайлап ұрыс шығарып, жолаушылардың тыныштығын бұзған.
Тәртіп бұзғандарған қоғамдық орында ішімдік ішу, ұсақ бұзақылық және тыныштықты бұзу баптары бойынша шара қолданылды. Ұсақ бұзақылық дерегі бойынша материалдар сотқа жолданды.