Респонденттердің 20% қызметті Халыққа қызмет көрсету орталығынан алған.
Үстіміздегі жылдың алты айында 469,9 мың жаңа заңды тұлға тіркеуден өткен. Сарапшылардың айтуынша, өткен жылмен салыстырғанда, бұл көрсеткіш 3,8% өскендігін көрсетіп отыр. Тіркеуден өтетін заңды тұлғалардың саны соңғы 10 жылдан бері өсіп келеді, деп хабарлайды Almaty-akshamy.kz Ranking.kz сайтына сілтеме жасап.
Компанияны тіркеуден өткізу маңызды сәттердің біріне жатады. Бұл шараға Әділет министрлігі жауапты.
Өтінішті қабылдау және мемлекеттік қызмет көрсету нәтижесін беру былай жүзеге асырылады:
1) «Азаматтарға арналған үкімет» мемлекеттік корпорациясы - коммерциялық емес ұйымдар, сондай-ақ акционерлік қоғамдар мен мемлекеттік кәсіпорындар түріндегі коммерциялық ұйымдар;
2) www.egov.kz электрондық үкіметтің веб -порталы - жеке кәсіпкерлік субъектілері.
Сауалнама нәтижесі мемлекеттік қызмет сапасына азаматтардың 75,1% риза екендігін көрсетті. Қоғамдық мониторинг нәтижелері бойынша заңды тұлғаларды мемлекеттік тіркеу, олардың филиалдары мен өкілдіктерін тіркеу 62 мемлекеттік қызметтің арасында 27 -орында тұр.
Сауалнамаға 147 респондент қатысқан, оның 61,2% ер азаматтар, 38,8% әйелдер болып келеді.Қызмет алушылардың (43,5%) 30 жастан 39 жасқа дейінгілер.
Қызмет онлайн және офлайн форматта ұсынылады. Респонденттердің 20%-ы қызметті ХҚО қызметкері арқылы қағаз түрінде алды. Қалған 80% сауалнамаға электронды үкіметтің веб-порталы арқылы онлайн қызмет алды.
Мемлекеттік қызметтерді өз бетінше, онлайн түрінде, порталда алуды бағалаудың орташа мәні халыққа қызмет көрсету орталығында менеджерден, оның ішінде өзіне-өзі қызмет көрсету аймағындағы қызметтерді қабылдауға қарағанда жоғары: 4,66-ға 4,66 балл.
Сонымен қатар, қызметкер виртуалды көмекшімен салыстырғанда жоғары бағаланды: 4,25 -ке 4,7 балл.
Сонымен қатар, халыққа қызмет көрсету орталықтарындағы қызметтерді алуға қанағаттану деңгейі онлайнға (73,6%) қарағанда жоғары (76,6%).
Мемлекеттік қызметтерді алу барысында азаматтардың 19,7% белгілі деңгейде қиындық көрді, олардың негізгісі - төлем мәселесі, ақпарат пен құжаттарды ұзақ күту, сайттағы ақаулар және тағы басқалар. Толық тізім төменде ұсынылған.
