Соңғы кездері инвестициялық жобаларға қатысты алаяқтық жиілеп кеткен.
Интернет арқылы алаяқтық жасау тыйылмай тұр. 2023 жылы елімізде 4,5 мың интернет алаяқтық жасалды, деп хабарлайды Аlmaty-akshamy.kz.
Ішкі істер министрлігі ұсынған мәлімет бойынша, 2023 жылы елімізде 4,5 мың интернет алаяқтық жасалған. Отандық банктер мен байланыс операторлары алаяқтықтың жаңа түрі туралы мәлімдеме жасаған еді. Қылмыскерлер қазір елдің ақшасын интернет-мессенджерлер арқылы үптеп кетуге тырысады екен. Қаржы жобаларын ұсынып, өзін брокермін деп таныстыратын алаяқтар да қаптап кеткен.
ҚР ІІМ аса маңызды істер жөніндегі аға жедел уәкілі Аман Әубәкіровтің айтуынша, бүгінде инвестициялық жобаларға қатысты алаяқтық жиілеп кеткен.
«Азаматтар жинаған ақшаларын қаржы жобаларына саламыз деп сан соғып жатады. Одан өзге әлі алмаған тауарына немесе қызметке ақша жіберіп, алданып жатады».