Мемлекет басшысының тапсырмасын орындау үшін Денсаулық сақтау министрлігі отандық фармацевтикалық өнеркәсіпті дамыту және ішкі нарықтағы қазақстандық дәрілік заттардың үлесін кеңейту жөніндегі жүйелі жұмысты жалғастыруда.
Ағымдағы жылдың 10 айының қорытындысы бойынша фармацевтикалық сектор кәсіпорындары өндірістің көлемін 11,7%-ға арттырып, 156,6 млрд теңгеге (305 млн АҚШ доллары) жетті, бұл өткен жылдың сәйкес кезеңінен 16,4 млрд теңгеге артық, - деп хабарлайды Aqshamnews.kz.
Бірінші жартыжылдықта салаға салынған инвестиция көлемі 77,1 млн АҚШ долларын құрады.
Өндірістік көрсеткіштердің өсуі дәрі-дәрмектер мен медициналық бұйымдар шығаратын жаңа технологиялық желілерді іске қосумен қамтамасыз етілген.
Бүгінде Қазақстанда 200-ден астам отандық өндіруші тіркелген, оның ішінде 43 дәрілік заттар шығаратын кәсіпорын, қалғандары медициналық бұйымдар өндіруге маманданған.