Қазақстанда докторантураға құжат қабылдау басталды, - деп хабарлайды aqshamnews.kz.
Қабылдау 3 шілдеден 3 тамызға дейінгі аралығында болады.
Өтініш беру кезінде тек тестілеу орнын (қаласын) таңдауға болады. Тест тапсыру күні, уақыты және орны (мекенжайы) туралы ақпарат 9 тамызда жеке кабинетіңіздің "Менің іс-әрекетім" бөлімінде жарияланады.
Докторантураға түсу емтиханына өтініштер www.app.testcenter.kz сайтында қабылданады.
Өтініш қабылдау мерзімі аяқталғанға дейін, яғни 3 тамызға дейін білім беру бағдарламаларының тобына, тест тапсыру тілі мен орнына (қаласына) өзгеріс енгізуге мүмкіндік беріледі. ДТЕ-ға қатысу құны 21 072 теңге тұрады.
Ол үшін:
- Міндетті түрде ҚАЗТЕСТ сертификатын және шет тілін меңгергенін растайтын сертификат ұсынуы керек;
- Докторантураға "магистр" дәрежесі және кемінде 9 ай еңбек өтілі бар немесе медицина мамандықтары бойынша резидентурада оқу бітірген адамдар қабылданады;
- Мемлекеттік білім беру тапсырысы бойынша және ақылы негізде докторантураға түсу үшін шекті балл - 75 балл, бейіні бойынша докторлар бағдарламасында шекті балл - 50 балл.