11 ақпан – Ғылымдағы әйелдер мен қыздардың халықаралық күні, - деп хабарлайды Aqshamnews.kz.
Бұл күн - әйелдердің ғылыми ойдың дамуына, инновациялар мен адамзат өркениетінің ілгерілеуіне қосқан зор үлесін айқындайтын маңызды дата. БҰҰ Бас Ассамблеясы бекіткен бұл күн ғылымдағы гендерлік теңдікті нығайтуға және жас қыздарды зерттеушілік қызметке тартуға бағытталған.
Қазақстан ғылымындағы әйелдердің рөлі
Бүгінде әйелдер еліміздің ғылыми әлеуетін қалыптастыруда маңызды орын алады. Қазақстанда ғылыми дәрежесі бар 120 896 азаматтың 62 433-і немесе 51,6 пайызы – әйелдер.
Жоғары білім беру жүйесінде де әйелдердің үлесі жоғары. Профессор-оқытушылар құрамының 65,7 пайызын әйелдер құрайды. Оның ішінде:
-
72,5% – магистрлер,
-
62,8% – PhD докторлар,
-
46,9% – бейіні бойынша докторлар,
-
49,4% – ғылым докторлары,
-
65,1% – ғылым кандидаттары.
Бұл көрсеткіштер әйел ғалымдардың кәсіби деңгейі мен ғылыми әлеуетінің жоғары екенін дәлелдейді.
Ғылыми зерттеулердегі белсенділік
Қазақстанда ғылыми зерттеулермен 12 893 әйел айналысады. Бұл ғылыми қызметкерлердің жалпы санының 56 пайызына тең. Әйел зерттеушілер іргелі және қолданбалы зерттеулерде, сондай-ақ пәнаралық жобаларда табысты еңбек етуде.
Ғылыми бағыттар бойынша әйелдердің үлесі:
-
жаратылыстану ғылымдарында – 3 625 адам (28%),
-
инженерлік әзірлемелер мен технологияларда – 2 625 адам (20%),
-
гуманитарлық ғылымдарда – 2 471 адам (19%).
Гуманитарлық (66%) және әлеуметтік ғылымдарда (65%) әйелдер басымдыққа ие.
Ғылыми біліктілік көрсеткіштері
Әйелдердің ғылыми дәрежелер бойынша үлесі:
-
ғылым кандидаттары – 60%,
-
бейіні бойынша докторлар және магистрлер – 58%,
-
PhD докторлар – 54%.
Медицина және гуманитарлық ғылымдар саласында ғылым кандидаты дәрежесіндегі әйелдердің үлесі 72 пайызды құрайды.