2026 жылдың басынан бері Қазақстанда терроризм және экстремизм қылмыстары үшін 17 адам сотталған, – деп хабарлайды aqshamnews.kz тілшісі.. Бұл туралы Ұлттық қауіпсіздік комитеті хабарлады.
Сотталғандардың бірі – Алматы қаласының тұрғыны. Ол 2017 жылдан бастап шетелде қарулы қақтығыстарға қатысқан. 2025 жылы күдікті ұсталып, Қазақстанға экстрадицияланған. Сот шешімімен ол 8 жылға бас бостандығынан айырылды.
Тағы бір айыпталушы – Көкшетау қаласының тұрғыны. Ол 2013 жылы шетелге шығып, интернет арқылы терроризм мен діни экстремизмді насихаттаумен айналысқан. Экстрадициядан кейін сот оған 9 жыл 6 ай мерзімге бас бостандығынан айыру жазасын тағайындады.
Сонымен қатар Астана, Алматы, Шымкент қалаларында, Ақмола және Ұлытау облыстарында террорлық әрекеттерге қатысы бар деген күдікпен 6 адам ұсталды.