2025 жылы Қазақстанда ең тиімді еңбек демалысына шығу айлары — сәуір, шілде, қазан және желтоқсан.
Бұл айларда 22 жұмыс күні болады, бұл демалыс төлемдерінің мөлшерін арттырады. Сондай-ақ, тамыз және қыркүйек айларында да 21 жұмыс күні болғандықтан, еңбек демалысын алу үшін қолайлы айлар болып табылады, деп хабарлайды aqshamnews.kz
Наурыз және мамыр айлары еңбек демалысы төлемдері үшін ең тиімсіз, өйткені наурызда тек 17, ал мамырда 19 жұмыс күні бар. Дегенмен, еңбек демалысын мерекелік күндерге жақындату арқылы демалыс күндерін ұзартуға болады, бірақ бұл төлемдердің мөлшерін азайтуы мүмкін. Егер еңбек демалысынан алынатын төлемдердің көлемін арттыру басты мақсат болса, 2025 жылы сәуір, шілде, қазан және желтоқсан айларын таңдаған жөн. Ұзақ демалыс алғысы келетіндер наурыз бен мамыр айларына жоспарлап, оны мерекелік күндерге жақындатса болады. Оңтайлы шешім — жоғары және төмен жұмыс күндері бар айларда еңбек демалысын алма-кезек алып отыру.