Талғат Байсуфинов футболдан Қазақстан ұлттық құрамасының бас бапкері болып тағайындалды, деп хабарлайды aqshamnews.kz Қазақстан футбол федерациясына сілтеме жасап.
Талғат Байсуфинов 2025 жылдың қазанында ұлттық құрама тізгінін үшінші рет ұстады. Оның жетекшілігімен команда 2026 жылғы Әлем чемпионатына іріктеу аясында бірқатар матч өткізді. Қазақстан құрамасы Лихтенштейнді 4:0 есебімен жеңіп, Солтүстік Македония (1:1) және Бельгия (1:1) құрамаларымен тең түсті.
Бұған дейін Байсуфинов 2016-2017 және 2020-2022 жылдар аралығында ұлттық құраманың бас бапкері қызметін екі рет атқарды. Әр жылдары «Есіл-Богатырь» (Петропавл), «Ақсу», «Ертіс» (Павлодар), «Ақжайық» (Орал) клубтарын басқарып, сондай-ақ Қазақстан жастар құрамасымен жұмыс істеді.
Қазақстан ұлттық құрамасының бас бапкері тағайындалды
