Осы шара аясында республикалық бюджеттен 61 млрд теңге бөлінеді
Қазақстанның республикалық және облыстық маңызы бар жолдарында интернет пайда болады. Бұл туралы Телекоммуникациялар комитетінде мәлімдеді, деп хабарлайды Almaty-akshamy.kz LS-ке сілтеме жасап.
Ведомство мәліметінше, 2024-2027 жылдар аралығына арналған «Қолжетімді интернет» ұлттық жобасы аясында республиалық тасжолдарды мобильді интернетпен қамтамасыз ету жоспарланып отыр. Ол үшін цифрлық инфрақұрылым салынады, атап айтқанда, талшықты-оптикалық байланыс желілері орнатылып, діңгек антенналы жабдықтар мен трансмиссиялар орнатылады, сондай-ақ электр энергиясымен қамтамасыз етіледі.
Комитет осы шаралар аясында республикалық бюджеттен 61 миллиард теңге, сондай-ақ байланыс операторларының бюджетінен базалық станцияларды орнатуға 30 млрд теңге бөлу жоспарланып отырғанын айтты.
«Соның арқасында республикалық және негізгі облыстық маңызы бар жолдарда байланыс пен интернетке қол жеткізуге болады, бұл қауіпсіздікті де қамтамасыз етеді», - делінген хабарламада.