Қазақстан United Cup турнирінің жартылай финалына алғаш рет жолдама алды
Қазақстан құрамасы аралас командалық United Cup турнирінде тарихи жетістікке қол жеткізіп, жартылай финалға шықты, деп хабарлайды aqshamnews.kz
Ширек финалдық ойында алғашқы ұпайды Елена Рыбакина әкелді. Ол Германия өкілі Лаура Зигемундты 6:3, 6:1 есебімен сенімді жеңді.
Келесі кезекте Александр Шевченко өнер көрсетіп, Даниэль Мазурды 6:7 (5:7), 6:2, 6:2 есебімен ұтып, Қазақстан құрамасын жартылай финалға шығарды. Турнир Австралияда өтуде.
Осылайша, Қазақстан құрамасы өткен жылғы чемпион Германияны 2:0 есебімен тізе бүктірді. Жартылай финалдағы қарсылас команда 4 қаңтарда белгілі болады.