Қазақстанның ұлттық деректер орталығының мәліметіне сәйкес, 21 маусымда Астана уақытымен сағат 07:13-те Қазақстан мен Қырғызстанның шекаралас аймағында жер сілкінісі тіркелді, деп хабарлайды almaty-akshamy.kz
«Жер сілкінісінің координаттары: солтүстік ендік 42,48 градус, шығыс бойлық 79,71 градус. Магнитудасы MPV – 4», - делінген орталықтың жедел хабарламасында.
Қырғыз ақпарат құралдарының мәліметінше, магнитудасы 3,5 баллдық жер сілкінісінің ошағы Ақ-Суу ауданы Ечкили-Таш ауылынан оңтүстік-батысқа қарай 25 шақырым жерде, Түп ауданы Кең-Суу ауылынан оңтүстік-батысқа қарай 32 шақырымда, және Қаракөл қаласының батысынан оңтүстіктен 103 шақырымда болған.
Алдын ала мәлімет бойынша, зардап шеккендер мен қираулар жоқ.