Қазақстан мектептерінде қазақ тілінен жаңа форматтағы емтихан басталды.
Биыл енгізілген өзгеріске сәйкес, сыннан 5-ші, 8-ші және 10-шы сынып оқушылары өтеді. Емтихан 31 мамырға дейін жалғасады, деп хабарлайды аlmaty-akshamy.kz.
Жаңа емтихан жазбаша және ауызша түрде өткізіледі. Оқушылардың тыңдау, сөйлеу, оқу және жазу дағдылары жан-жақты бағаланады. Бағалау жүйесі келесідей:
- 0-ден 11-ге дейінгі ұпай: Төмен ұпай, оқушы емтиханды қайта тапсыруы қажет.
- 12-ден 18-ге дейінгі ұпай: Орташа көрсеткіш.
- 19-дан 24-ке дейінгі ұпай: Жақсы көрсеткіш.
- 25-ден 30-ға дейінгі ұпай: Өте жақсы көрсеткіш.
Бұл өзгеріс оқушылардың қазақ тілін меңгеру деңгейін нақтылы бағалауға бағытталған. Жаңа формат білім беру сапасын арттыруға және оқушылардың тілдік дағдыларын дамытуға ықпал етеді деп күтілуде.