Қазақстан командасы өзбекстандық қарсыластарынан басым түсті
Златоустта су добынан әйелдер командалары арасында Ресей біріншілігінің І кезеңі басталды, деп хабарлайды Almaty-akshamy.kz Olympic.kz-ке сілтеме жасап.
Аталған турнирге қазақстандық "Айша-Бибі" (Тараз) командасы қатысты.
Алғашқы ойында қазақстандық команда Өзбекстан құрамасына қарсы ойнады. Кездесу 20:8 (5:2 3:2 4:2 8:2) есебімен қазақстандық спортшылар еншісіне шешілді.
Қазақстандық команда жарыстың екінші айналымында Уралочка-ЗМЗ командасымен кездеседі. Аталған кездесу ертең, 11 қараша күні өтеді.