Қазақстан ИСЕСКО Атқарушы кеңесі төрағасының орынбасары болып сайланды, – деп хабарлайды aqshamnews.kz тілшісі.
Қазақстан тарапы, өз кезегінде, күн тәртібінің негізгі мәселелерін талқылауға белсенді қатысып, ислам әлеміндегі білім, ғылым және мәдениет саласындағы ынтымақтастықты дамыту жөніндегі елдің ұстанымын білдірді.
Сонымен қатар, Түрікменстанды бақылаушы мемлекет мәртебесінде Ұйымға қабылдау мәселесіне ерекше назар аударылды. Сондай-ақ, Атқарушы кеңесінің жаңа төрағасының, Бюро мүшелерінің және Қаржылық бақылау комитетінің сайлауы өтті.
Сессия қорытындысы бойынша Қазақстан ИСЕСКО Атқарушы кеңесі төрағасының орынбасары болып сайланды. Бұл Ұйымға мүше мемлекеттерінің қазақ тарапына деген жоғары сенімін көрсетеді және білім, ғылым мен мәдениет саласындағы көпжақты ынтымақтастықты дамытудағы Астананың белсенді рөлін растайды.
ICESCO — мұсылман елдеріндегі білім, ғылым, мәдениет және коммуникация мәселелерімен айналысатын мамандандырылған халықаралық ұйым. Ол 1979 жылы құрылған. Ұйымның негізгі мақсаты — мүше мемлекеттер арасындағы ынтымақтастықты нығайтып, ислам құндылықтарын дамыту мен насихаттау.