Өрт декорациялар дайындайтын ағаш цехтен шыққан
Ш.Айманов атындағы «Қазақфильм» киностудиясы ғимаратында өрт болды, деп хабарлайды Almaty-akshamy.kz Алматы қалалық Төтенше жағдайлар департаментінің баспасөз қзметіне сілтеме жасап.
«28 мамыр күні сағат 12.22-де Бостандық ауданы, әл-Фараби даңғылы, 176 мекенжайындағы «Қазақфильм» АҚ-да декорациялар дайындайтын ағаш цехында жұмыс үстелдері, құрал-саймандар мен терезе жақтаулары жанып кетті. От шарпыған аумақ - шамамен 10 шаршы метр. Жалынның таралуы 12.40-та оқшауландырылып, 12.42-де толығымен ауыздықталды.
Зардап шеккендер мен қаза болғандар жоқ. Өрттің шығу себебі анықталып жатыр», - делінген ТЖД ақпаратында.
Мәлім етілгендей, өрттің таралу қаупі болған жоқ.