Қазақстандық саясаттанушы және TechWomen бағдарламасының түлегі Дина Шайхислам АҚШ-тың 45-президенті Дональд Трамптың инаугурациясына ресми шақыру алғанын хабарлады. Бұл туралы Aqshamnews.kz сайты жазады.
Ол бұл қуанышты жаңалығын Instagram парақшасында бөлісіп:
"Бүгін мен президент Трамп пен вице-президент Вэнстің инаугурациясына ресми шақыру алдым", – деп жазды.
Дина Шайхислам – әлемдік деңгейдегі саяси стратег, Назарбаев Университетінің үздік түлегі және балаларды дамытуға арналған CDF қоғамдық қорының негізін қалаушы. Оның инаугурацияға қатысуы Қазақстанның халықаралық аренадағы беделін арттырып, жаңа мүмкіндіктерге жол ашады.