Ағылшындар мұндай жетістікке жалғыз рет - сонау 1966 жылы қол жеткізді
Қатарда өтіп жатқан футболдан 2022 жылғы әлем чемпионаты 1/8 финалының төртінші кездесуінде Англия мен Сенегал құрамалары ойнады, деп хабарлайды Almaty-akshamy.kz ҚазАқпаратқа сілтеме жасап.
Кездесу барысында құрамалар тезірек гол соғуға тырысқан еді. Десе де, бір-бірінің қақпасына жасалған шабуылдар аяқсыз қалып жатты.
Осындай сәттердің бірінде англиялық Джордан Хендерсон 38-минутта соққан гол өз құрамасын алға шығарды.
Ойынның 48-минутында Гарри Кейн мергендік танытып, Тұманды Альбион елі құрамасының басымдығын арттырды.
Ал 57-минутта Букайо Сака қорытынды есепті белгіледі.
Осылайша Англия қарсыласынан 3:0 есебімен басым түсті.
Англия құрамасы әлемдік мундиальда жеңімпаз болуды алдына мақсат етіп қойған жайы бар.
Ағылшындар мұндай жетістікке жалғыз рет - сонау 1966 жылы қол жеткізді. Чемпион атануға құраманың барлық мүмкіндігі бар.
Еске салсақ, 4 желтоқсанда тағы бір кездесуде Франция Польшаны тізе бүктіріп, ширек финалға шықты.
Енді ағылшын футболшылары жарыстың аталған сатысында 10 желтоқсанда Франциямен кездеседі.
Сондай-ақ, жарыстың аталған сатысындағы тағы бір кездесуде 9 желтоқсанда Нидерланд пен Франция құрамалары кездеседі.
Ал 5 желтоқсанда 1/8 финалда Бразилия мен Оңтүстік Корея, Жапония мен Хорватия құрамалары сынға түседі.
6 желтоқсанда Португалия мен Швейцария, Марокко мен Испания бақ сынайды.