Қаржыны қай валютада сақтаған тиімді?

Қаржыны қай валютада сақтаған тиімді? Сурет: Kapital.kz

Кейінгі 6 айда теңгемен сақталатын депозиттердің үлесі 3 пайыз артып, 71,6 пайызға жеткен.


Бұл туралы Ұлттық экономика министрлігінің 2023 жылғы қаңтар-маусымдағы әлеуметтік-экономикалық дамуының қорытындысында айтылған, деп хабарлайды Almaty-akshamy.kz ҚазАқпаратқа сілтеме жасап. 


Министрліктің мәліметіне сүйенсек, 1 маусымдағы жағдай бойынша банк секторының экономикаға берген кредиті 25 трлн 946,8 млрд теңге болған.


Оның ішінде заңды тұлғаларға берілетін кредиттер 10 трлн 656,7 млрд теңге болса, жеке тұлғаларға берілетін кредиттер 15 трлн 290,1 млрд теңгеге жеткен.



«Депозиттер 1 маусымға 30 629,2 млрд теңгені құрап, 2023 жылдың басына қарағанда 1% азайды. Заңды тұлғалардың депозиті – 3,8%, яғни, 14 трлн 711,4 млрд теңгеге дейін төмендесе, жеке тұлғалардың депозиті – 1,7%, яғни, 15 трлн 917,8 млрд теңгеге дейін көбейді. Ұлттық валютадағы депозиттер үлесі 2022 жылғы желтоқсандағы 68,4%-тен 2023 жылғы мамырда 71,6%-ке дейін өсті», - деп жазылған анықтамада.



Сондай-ақ, айналыстағы қолма-қол ақша көлемі 2023 жылдың басына қарағанда 0,3% азайып, 3 351,4 млрд теңге болған.



«Ақша массасы 1,2%, яғни, 33 трлн 890,6 млрд теңгеге дейін төмендеді. 2023 жылғы маусымда теңгенің АҚШ долларына ресми бағамы 1 АҚШ долларына 444,85 – 454,13 теңге аралығында құбылып, орта есеппен 2023 жылғы маусымда 1 АҚШ долларына 448,5 теңгені құрады», - деп жазады министрлік сарапшылары.


Сіздің реакцияңыз?
Ұнату
0
Ұнамайды
0
Күлкілі
0
Шектен шыққан
0
Соңғы жаңалықтар

17:08

16:48

16:35

16:21

15:43

15:14

14:47

14:07

13:26

12:46

12:17

12:16

12:05

11:46

11:22

11:19

11:14

11:11

11:10

11:09

10:51

10:35

10:32

10:23

10:08