ҚФК мен СҚ-Фармация арасында азаматтарды вакциналау үшін тағы Спутник V екпесінің 2 млн дозасын жеткізу туралы келісім жасалды.
Шартты орындау мерзімі 2021 жылғы тамыз-қыркүйек айлары, деп хабарлайды Almaty-akshamy.kz Қарағанды фармацевтика кешенінің телеграм каналына сілтеме жасап.
Қарағанды фармацевтикалық кешені ел азаматтарын вакциналау үшін Спутник V препаратының 5 млн дозасын жеткізу бойынша міндеттемелерін уақытында орындап, коронавирусқа қарсы ресейлік ҒЗО-ның препаратын шығару және жеткізу бойынша жаңа міндеттемелер алды.
Келісімшарт талаптары бастапқы кезеңдегідей (ҚР 5 млн дозамен қамтамасыз ету) толық көлемде сақталатын болады.