Ол жағадан 200 метр қашықтыққа жүзіп кеткен.
Оқиға орнына Қонаев қаласының жедел-құтқару жасағының қызметкерлері дереу жіберілді, деп хабарлайды Almaty-akshamy.kz
Алматы облысы ТЖД Қапшағай су қоймасында жасөспірімнің құтқарылғанын мәлімдеді.
«2023 жылғы 9 маусымда сағат 18:20-да Алматы облысы ТЖД кезекші бөліміне 2009 жылы туған қыз Қонаев қаласындағы Қапшағай су қоймасының қалалық жағажайында суға батып бара жатқаны туралы хабарлама келіп түсті. Оқиға орнына Қонаев қаласының жедел-құтқару жасағының қызметкерлері дереу жіберілді. Шомылу кезінде жағадан 200 метр қашықтыққа жүзіп кеткен және құрлыққа өз бетінше орала алмаған қыз құтқарушылар оны ата-анасы күткен жағаға жеткізді. Қызға медициналық көмек қажет болмады», – деп жазылған хабарламада.
Алматы облысы ТЖД азаматтардан судағы қауіпсіздік ережелерін сақтауды сұрайды.