Қазақстанның сыртқы сауда айналымы 2024 жылы алғаш рет табысты болды. Өткен жылдың осы кезеңімен салыстырғанда жоғары көрсеткішке жетті. Сарапшылардың пайымдауынша, мұндай өсуге елдің алыс шет елдермен сауда жасауы себеп болған, деп хабарлайды aqshamnews.kz.
Қазақстан Республикасының Ұлттық статистика бюросының мәліметтері бойынша, 2024 жылдың қаңтар айынан қыркүйек айына дейін Қазақстанның сыртқы сауда айналымы 104,34 миллиард АҚШ долларын құрады. Сонымен бірге, алыс шет елдермен сауда айналымы 2,6%-ға (78,1 миллиард долларға дейін) артқан. Ал ТМД елдерімен сауда көлемі 3,2%-ға төмендеп, 26,24 миллиард долларды құрады. ЕАЭО елдерімен сауда айналымы да 1,9%-ға төмендеп, 21,4 миллиард долларды құрады.
«2024 жылдың қаңтар-қыркүйек айларында Қазақстанның ЕАЭО елдерімен сауда айналымы 21,4 миллиард долларды құрады, бұл өткен жылдың осы кезеңімен салыстырғанда номиналды түрде 1,9%-ға аз», — деп хабарлайды статистикалық портал.