Түрксіб ауданы тұрғындарының өтініші бойынша "Қайрат" шағын ауданынан “Райымбек” метро станциясына дейін №9 жаңа автобус бағыты іске қосылды.
Бағытта барлығы 8 автобус бар. Алматы қаласы Түрксіб ауданының әкімі Бақытжан Ақжаров ӨКҚ өткен брифингте қоғамдық көлік қызметінің сапасы туралы мәлім етті, аlmaty-akshamy.kz.
«Қоғамдық көлік қызметінің сапасы әкімдіктің ерекше бақылауында. Жыл соңына дейін жаңа автобустардың келуімен №8, 13, 17, 38, 46, 47, 69, 130 жеті бағыттағы жылжымалы құрам жаңартылады», - деді Б. Ақжаров.
Аудан әкімінің айтуынша, шалғай аудандарда тұратын балаларды тасымалдайтын «Мектеп автобусы» жобасын келесі жылы кеңету жоспарлануда. Бүгінде Түрксіб ауданы бойынша ауданның бес мектебінен балаларды тасымалдайтын 7 «schoolbus» автобусы жүреді (№20, 32, 162, 115, 89).