11 қазанда елордадағы "Сайран" спорт кешенінде футзалдан Қазақстан Суперкубогының финалы өтті. Бұл матчта алматылық "Қайрат" командасы ел чемпионы "Семейді" 3:1 есебімен жеңді деп хабарлайды.
Аталған ойын жаңа футзал маусымының ашылу матчы болып, елдің екі үздік клубы кездесті. 2024 жылғы Қазақстан чемпионы "Семей" және күміс жүлдегер "Қайрат" өзара бақ сынасты. Екі команданың құрамында жақында Өзбекстанда өткен әлем чемпионатына қатысқан Қазақстан ұлттық құрамасының көптеген ойыншылары болды.
Алғашқы матчта алматылықтар жеңіске жетіп, Қазақстан Суперкубогын иеленді. Жазда "Семей" алғаш рет өзінің тарихында Қазақстан чемпионатының "алтын" медалін жеңіп алып, 20 жыл бойы елдегі футзалдың үздігі болған "Қайраттың" рекордын үзген болатын.
Екі команда екі аптадан соң Қазақстан атынан УЕФА Чемпиондар лигасында бақ сынайды.