Боран мен көктайғақ салдарынан Астанадан шығатын жолдар жабылып, республикалық маңызы бар бірқатар автожол учаскелерінде жүк көліктері мен қоғамдық көлік қозғалысына шектеу қойылды, - деп хабарлайды aqshamnews.kz тілшісі "ҚазАвтоЖолға" сілтеме жасап.
Қозғалыс шектелген учаскелер:
Ақмола облысында:
- Астана - Көкшетау - Петропавл автожолының 18-232 шақырым аралығы (Астанадан Щучинскіге дейін);
- Астана - Шідерті - Павлодар - Успенка - РФ шекарасы автожолының 16-200 шақырым аралығы (Астанадан Павлодар облысының шекарасына дейін).
Павлодар облысында:
- Астана - Шідерті - Павлодар - Успенка - РФ шекарасы автожолының 200-254 шақырым аралығы (Ақмола облысының шекарасынан Шідерті кентіне дейін).
Жол шамамен 25 желтоқсанда сағат 09:00 ашылады.