Қазақстанға қайтарылған активтердің жалпы сомасы 670,5 миллион долларды немесе шамамен 297,5 миллиард теңгені құрады, деп хабарлайды aqshamnews.kz.
Бұл ақшаның арасында Австриядан (36,8 миллиард теңге), Лихтенштейннен (116,7 миллиард теңге), БАӘ-ден (6,3 миллиард теңге), Түркиядан (6,5 миллиард теңге) қайтарылған қаражаттар және шетелдік бағалы қағаздарды сатудан түскен ақша (135,8 миллиард теңге) бар.
Сонымен қатар, Ресей мен Францияда табылған активтер қазіргі уақытта «Қайтарылған активтерді басқару компаниясына» тапсырылған.
2022 жылдан бері Антикор мемлекетке және квазимемлекеттік сектор субъектілеріне 1,1 триллион теңгеден астам мүліктік активтер мен қаржылардың қайтарылуын қамтамасыз етті, олардың 321,6 миллиард теңгесі тікелей бюджетке қайтарылды.