39 жастағы ер адам ұсталып, жеке басы анықталды.
Павлодар полициясы қолына пышақ алып, көше кезген ер адамды ұстады, деп хабарлайды Аlmaty-akshamy.kz Рolisia.kz сілтеме жасап.
6 мамырда Павлодар қаласының полициясына Академик Сәтбаев көшесіндегі сауда үйінің жанында ер адамның пышақпен жүргені туралы хабарлама түсті.
Бұл факт Павлодар қаласының Солтүстік полиция бөлімінде тіркелді.
Көрсетілген мекенжайға дереу автопатрульдер мен жедел тергеу тобы жіберілді.
39 жастағы ер адам ұсталып, жеке басы анықталды. Қолындағы ас үй пышағы тәркіленді», - делінген мәліметте.
Полиция қызметкерлері медициналық куәландыру жасау үшін ер адамды денсаулық сақтау мекемесіне жеткізді.
«Нәтижесінде ер адам мас күйінде болғаны анықталды. Полиция ер адамды Уақытша бейімдеу және детоксикация орталығына апарды. Полиция тексеру жүргізіп жатыр», - делінген ұсынылған хабарламада.