Израильдің Қатар астанасы Дохада ХАМАС-тың болжамды штабына жасаған соққысына байланысты Президент Қасым-Жомарт Тоқаев мәлімдеме жасады, деп хабарлайды Aqshamnews.kz тілшісі Ақордаға сілтеме жасап.
Мемлекет басшысы Қатар астанасы Дохада Израиль билігі жасаған әскери акцияны айыптады.
"Қандай мақсатты көздесе де, мұндай әрекетке жол беруге болмайды. Бұл Қатар мемлекетінің егемендік құқығын бұзады және халықаралық құқық қағидаттарына қайшы келеді" деді Қасым-Жомарт Тоқаев.
Еске салайық, бұған дейін БАҚ-та Израиль Қатар астанасындағы ХАМАС штабына соққы жасағаны жайла хабарланған еді.