Польшадағы Volonaut стартапы ерекше жобасын – Volonaut Airbike құрылғысын таныстырды. Бұл ұшатын мотоцикл "Жұлдыздар соғысы" фильміндегі техникаға ұқсас. Бұл туралы Aqshamnews.kz сайты хабарлайды.
Airbike реактивті тартылыс арқылы 200 км/сағ жылдамдықпен қозғалады. Пропеллердің орнына заманауи жүйе қолданылған. Көміртекті талшық пен 3D-баспа технологиясы арқасында құрылғы кәдімгі мотоциклден 7 есе жеңіл.
Борттық компьютер автоматты тұрақтылықты қамтамасыз етіп, басқаруды оңайлатады. Құрылғы сатылымға жақын арада шығады деп күтілуде, бірақ бағасы мен нақты уақыты жарияланған жоқ.
Volonaut Airbike — болашақтағы жеке әуе көлігінің жарқын үлгісі.