21 шілдеде Астанадағы қылмыстық істер жөніндегі ауданаралық сотта Перизат Қайрат пен оның анасына қатысты отырыс жабық режимде өтті. Күдікті Перизат Қайраттың анасы сотта жауап беруден бас тартты, - деп хабарлайды Aqshamnews.kz тілшісі.
Астанадағы қылмыстық істер жөніндегі ауданаралық сотының баспасөз қызметінің мәліметінше, жарты күн бойы заттай дәлелдемелер зерттелген. Сондай-ақ, тараптар бірқатар өтініш оқыған. Алайда оның мән-жайы айтылмады.
“Айыпталушы Перизат Қайрат пен оның анасы Ғайни Алашбаева өз құқықтарын пайдаланып, жауап беруден бас тартты", – деп хабарлады баспасөз қызметі.
Бүгін 22 шілдеде Астанадағы қылмыстық істер жөніндегі ауданаралық сотта жарыссөз басталады.