Жоба 14 ақпанға дейін “Ашық” порталында қоғам талқысында болады.
Денсаулық сақтау министрлігі цифрлық деректерді жинау, өңдеу, сақтау және қорғау қағидаларына түзетулер жобасын дайындады, деп хабарлайды aqshamnews.kz
Онда диагностикалық жабдықтың көмегімен медицина қызметкері алған ақпараттарды сақтау мерзімі ересектер үшін - 10 жыл, балалар үшін - 15 жыл деп көрсетілген.
Осы аралықта пациенттердің компьютерлік томография, рентгенография, ЭКГ, эндоскопия нәтижелері, МРТ сынды деректері сақталады.
Дербес деректерді жинау бірегей сәйкестендіру нөмірлерін беру арқылы жүзеге асырылады. Көрсетілген мерзім өткеннен кейін медициналық ақпарат түгел жойылады.