Парламент палаталарының бірлескен отырысында «Алатау қаласының арнаулы құқықтық режимі туралы» конституциялық заң екінші оқылымда қабылданды, – деп хабарлайды aqshamnews.kz тілшісі.
Парламент «Алатау қаласының арнаулы құқықтық режимі туралы» конституциялық заңды екінші оқылымда мақұлдады. Құжатты дайындау барысында депутаттардың бірқатар түзетулері енгізілді.
Заңға сәйкес, Алатау қаласы мен оған жақын аумақтарда арнайы құқықтық режим қолданылады. Қалада бизнеске қолайлы жағдай жасау үшін жаңа ұғымдар енгізіліп, салықтық жеңілдіктер мен инвестициялық ынталандыру шаралары қарастырылған.
Сондай-ақ қала инфрақұрылымы мен қауіпсіздік жүйелері бірыңғай цифрлық платформа арқылы басқарылатын болады. Кәсіпкерлердің құқықтарын қорғау күшейтіліп, тексерістерді тек прокуратура органдары жүргізетіні белгіленді.
Бұдан бөлек, бюджет қаражатының ашықтығы мен бақылауы артып, әкімшілік шешімдерге сот арқылы шағымдану мүмкіндігі нақтыланды.
Құжат Сенат пен Мәжіліс депутаттары тарапынан қолдау тауып, енді Президенттің қол қоюына жолданды.