Мемлекеттік қуыршақ театрының әртістері 3-4 шілдеде Канада көрермендеріне «Ромео және Джульетта» қойылымын ұсынады. 88-ші театр маусымын аяқтаған театр ұжымы Оттавада өтетін The First international Ottawa Puppet фестиваліне қатысты, деп хабарлайды аlmaty-akshamy.kz
Бүгін Канададан сүйінші хабар жетті.
Мемлекеттік қуыршақ театрының қойған «Ромео мен Джульетта» қойылымы үздік деп танылып, ГРАН_ПРИ жүлдесіне ие болды, деп жазылған хабарламада.
Еске салсақ, Канадалық фестивальге қатысу үшін Қуыршақ театры өзінің репертуарынан «Ромео мен Джульетта» спектаклін таңдаған болатын. Оның режиссері – Дина Жұмабаева. Шығармашылық топтың шеберлігі мен біліктілігінің арқасында дәл осы қойылым бұған дейін де беделді республикалық және халықаралық фестивальдарда көптеген марапатқа ие болды. Мәселен, Болгарияда өткен «Алтын дельфин» Халықаралық театр фестивалінде «Гран-При», «Үздік ер адам рөлі» және «Үздік дебют» сыйлықтарын және «Сын - шын болсын» республикалық театр фестивалінде «Гран-При» жеңіп алған еді.
Айта кетейік, Қуыршақ театры – канадалық көрермендер алдында өнер көрсететін Қазақстанның алғашқы театры.
