«Жолаушылар тасымалы» АҚ 2024 жылғы жұмысын қорытындылап, 2025 жылға арналған жоспарымен бөліскен кеңейтілген жиын өткізді.
Кездесуде жолаушылар тасымалын жүзеге асыратын компанияның барлық филиалдары басшыларының өткен жылы атқарған жұмысының есебі және осы жылға жоспары тыңдалды, деп хабарлайды aqshamnews.kz.
Rail-news.kz мәлімтінше, жиында 2023-2024 жылғы қозғалыс қауіпсіздігі көрсеткіштері де сөз болды. Қозғалыс қауіпсіздігін қамтамасыз ету үшін аталған мерзім аралығында жолаушылар тасымалы шаруашылығы кәсіпорындарына жоспарлы, мақсатты, жоспардан тыс тексерулер жүргізілген. 2024 жылы Ұлттық тасымалдаушының пойыздарымен 13,6 миллион жолаушы тасымалданды. Ең танымал бағыттар Астана – Алматы, Астана – Шымкент, Алматы – Шымкент, Астана – Семей және Алматы – Семей болып отыр. Жазғы маусымда тасымал көлемі 4,2 миллион жолаушыны құрады, бұл 2023 жылмен салыстырғанда жоғары көрсеткіш.
Бүгінгі таңда қоғамда 2 171 вагон болса, соның 1 325-і стандартты, 732-сі Тальго, 114-і МВЖҚ вагондар. Вагондардың орташа жылы – 17 жыл. Алдағы жоспарға сай 2025 жылдың соңына дейін отандық өндірістен шыққан МВЖҚ бойынша 12 вагон, «ЗИКСТО» ЖШС 107 вагон, «Штадлерден» 51 вагон жеткізу көзделуде.