Бұл кітаптар республикалық бюджет есебінен шығарылды.
«Әдебиеттің әлеуметтік маңызды түрлерін сатып алу, басып шығару және тарату» кіші бағдарламасы аясында 2022 жылы басылып шыққан жалпы әдебиеттер тізімі жарияланды, деп хабарлайды Almaty-akshamy.kz ҚазАқпаратқа сілтеме жасап.
«Ашық» НҚА порталына орналастырылған тізімге сәйкес, былтыр 188 кітап басылып шыққан. Олардың басым бөлігі қазақ тілінде жарық көрген. Бағдарлама аясында мына кітаптар оқырманға жол тартты:
- Әлия Дәулетбаева. Алматыдан алыста
- Қанат Әбілқайыр. Жылан кегі
- Маралтай Райымбекұлы. Аруана (поэма)
- Бауыржан Қарабеков. Өмірімнің өрнегі
- Салтанат Минайхан. Жеңілмейтін махаббат
- Бауыржан Әліқожа. Ақтүн
- Үміт Битенова. Балабақшадан басталған
- Мейірхан Ақдәулетұлы. «Таңдамалы». 1-том;
- Ахат Жақсыбаев. Иса Ақын. І кітап
- Серік Нұғыман. Асыл қиқым.
Туындылардың толық тізімін «Ашық» НҚА порталының сайтынан көруге болады.