23-29 маусым аралығында қалада қандай іс-шаралар өтеді? Қайда барып демалуға болады? Толығырақ Аqshamnews.kz материалында.
Концерттер
Осы апта бірнеше концерт жоспарланған:
-
23 маусымда қазақстандық композиторлар, музыканттар мен «Steppe Sons» тобының туындыларына құрылған "Сағымға сіңгендер" ғажайып спектакль қойылады, билеттерді мына жерден ала аласыздар.
- 27 маусымда Дүние жүзіндегі ең көне және беделді театрлардың бірі - 1748 жылы құрылған Дания Корольдігінің театры алғаш рет Қазақстан сахнасында өнер көрсетеді! Айта кетейік, оның құрамында Данияда балет әртісі болып қызмет ететін қазақ жігіті Мейрамбек Назарғожаев та бар. Билеттерді мына жерден ала аласыздар.
-
27 маусымда танымал актер Данияр Алшинов Stand Up шоуын өткізеді. Билеттер.
- 28 маусымда испан теноры Хосе Каррерас әлемдік қоштасу туры аясында Алматыда концертін бермек. Кеш әйгілі испан дирижері Дэвид Хименес жетекшілік ететін Симфониялық оркестрдің сүйемелдеуімен өтеді. Карререс бұл топта атағы мен дарыныөзінен бір мысқал да кем емес Пласидо Домингомен және Лучано Павароттимен өнер көрсетті. Билеттер мына жерде.
- Женсенбіде, 29 маусымда Tynda Music оркестрі "Ескі кинолардың әндері" атты концертін береді. Мұнда ностальгия, жылы естеліктер мен ескі фильмдердің музыкасы орындалады. Билеттер мына сілтемеде.
Театр
Ғабит Мүсірепов атындағы Қазақ мемлекеттік академиялық балалар мен жасөспірімдер театрында:
- 24 маусымда "Оян, қалыңдық"
- 25 маусымда "Қаһар"
- 26,27 маусымда "Махаббат хаттары" спектакльдері қойылады.
Ал 27 маусымда балаларға "Кішкентай ханзаданың оралуы" қойылымы көрсетіледі.
Кино
Алматыда 23-29 маусым аралығында қыдыратын орындардан бөлек, "Элио", "Биік сезім", "Чактың өмірі" фильмдерін тамашалауға болады.
Бұдан басқа
Дүйсенбі-жұма аралығында Шәкен Айманов атындағы "Қазақфильм" ұлттық киностудиясында экскурсия жасалады. Сағат 9:00-17:00 аралығында киностудия аумағын аралап, тарихымен таныса аласыздар.
24 маусымда "Арзан психологтар" комедиялық импровизациялық шоудың кеші өтеді. Онда Руслан Тай мен Тілеген көрермендердің мұңын тыңдайды.
26 маусымда "Олнедид" комедияық шоу өтеді. Онда Аңсаған және Тілеген есімді комиктер залдағы жастар арасынан жұп шығаруға тырысады.
27 маусымда "Қазақша уикенд шоу" стэнд-ап жоспарланған. Онда Жоламан Какешов, Руслан Тай, Тұрсынбек Слямбеков, Мирас Мырзабек, Аманжан Махметов пен Мирас Каримов үздік әзілдерін оқиды.
28 маусымда "Қазақша стэнд-ап" концерті өтеді. Онда Нұрмахан Мұқанұлы, Данияр Бекжанов пен Дархан Оспанов өнер көрсетеді.