Көптеген ата-аналар жыл сайын мектеп оқулықтарына сай келетін қап таба алмай қиындықтарға тап болады.
Әр оқу жылы басталғанда ата-аналар жаңа қаптар сатып алуға мәжбүр. Алайда қаптардың өлшемі көбіне кітаптарға сәйкес келмейді. Әрине, бұл отбасылық бюджетке айтарлықтай әсер етеді, деп хабарлайды aqshamnews.kz.
Осыған қатысты депутат, бұрынғы Білім беру министрі Асхат Аймағамбетов қозғады.
Аймағамбетовтың сөзіне сенсек, 2020 жылы оқулықтардың форматтарын біріздендіру туралы шешім қабылданған.
«2020 жылдан кейін шығарылатын оқулықтар бірыңғай форматта дайындалады, бұл оқулықтарды ыңғайлы әрі стандартқа сай етеді», – деп түсіндірді депутат.
Дегенмен, 2020 жылға дейін басылып шыққан оқулықтар әлі де мектептерде қолданыста. Көптеген ескі оқулықтар мектеп кітапханаларынан әлі де алынып тасталған жоқ.
«Әлі жарамды оқулықтарды пайдалана береміз, оларды лақтырып тастамаймыз», – деп атап өтті Аймағамбетов.
Депутаттың сөзінше, оқулықтардың орташа пайдалану мерзімі шамамен бес жылды құрайды.
«Білім министрлігі жаңа оқу бағдарламаларын бекіткеннен кейін, оқулықтар жаңа форматқа кезең-кезеңімен ауыстырылатын болды. Мектептер сыныптан сыныпқа көшкен сайын оқулықтар да жаңартылады», – деді депутат.
Бұл жаңа шешім оқулықтар қаптарына қатысты мәселелерді, сондай-ақ басқа да қиындықтарды шешуге көмектеседі. Аймағамбетов жаңа стандарттарға сәйкес келетін оқулықтар мектептерге біртіндеп енгізілетінін жеткізді.
«Алдағы екі жыл ішінде жаңа оқулықтар дайын болады деп ойлаймын. Министрлік осы бағытта жұмыстарын жалғастырып жатыр», – деп түйіндеді Асхат Аймағамбетов.